LES VÅRT LAND FOR ÉN KRONE UT JUNI

Den foreldrelause byen

Napoli, o Napoli! Byen er blitt ein gjengangar i romanar og tv–seriar. Vi møtte Wanda Marasco, som har skrive fram eit Napoli full av skrømt.

Publisert 04. april 2019

– Gudstrua er fråverande, og det kjennes som om menneska er aleine. Det er berre døden som garanterer ei form for religiøs kjensle. Døden er overgangen, ein måte å kjenne seg sjølv på, å kjenne til menneskeslekta.
Wanda Marasco, med blå alpelue på, har søkkt ned i ein stol. Ho held blikket mitt.

– Det er ein sekulær tradisjon i Napoli. Ein ironisk kontakt med den døde verden. I folkeminnet finnes det ulike måtar for å komme i kontakt med dei døde.

Eigentleg skjønner eg ingenting, for Marasco talar på sitt morsmål, italiensk. Det er tolken vår, og omsettar av Marascos bok, Kristin Sørsdal, som omsett til norsk. Det gir samtalen eit underleg preg. Sørsdal er høg, med grått hår. Marasco er lita og mørk i håret.

– Men eg skriv ikkje ei bok om folkeminnet i Napoli, seier Marasco. – Eg bruker døden som ei openbaring. Noko som kan kaste lys over menneskelivet. 

Dikting som medkjensle 

Etter suksessen med Elena Ferrantes bøker, har det komne ut fleire italienske bøker her til lands med brusteinsgater, klesvask og barn på omslaga. Kompaniet av dikta sjeler er den første boka av Wanda Marasco på norsk, men ho debuterte allereie i 1977. Truleg vil denne boka i større grad splitte lesarane enn Ferrantes litterære bestseljarar. Marasco er på same tid ein realistisk og ein drøymande forteljar. Ho byggjar opp scenene med ei eller to setningar, og hoppar like brått vidare til den neste.

Romanen opnar med Rosa som sit ved dødsleiet til mor si, Vicenzina. Derifrå beveger historia seg fram og tilbake, frå romanperson til romanperson. Heile tida er det Rosas familie som står i sentrum. Kompaniet av dikta sjeler handlar om unge kvinner som blir mødrer, som får døtrer, for så å bli like vonde mot sine barn som deira eigne mødrer var. Men på tross av overgrep og vondt blod, tek dei vare på kvarandre når dei blir gamle og sjuke.

ANNONSE

Logg inn for å lese videre

eller

Ikke abonnent?

Les Vårt Land digitalt frem til 30. juni for kun én krone*.

Én krone ut juni

*Abonnementet er løpende og kan sies opp når som helst. Etter prøveperioden fornyes det automatisk, til rabattert pris kr 199 per måned.

Les også