Les alt for bare 10 kr!

Martyren

Eg trur du er kristen fordi du likar å vere i opposisjon, har sonen sagt til henne. Det trur Hanne Cecilie Widnes (49) han kan ha rett i.

Publisert 14. november 2018

– Ver så snill, kan du ikkje snu den posen?
Storesystera ser på sju år gamle Hanne Cecilie Widnes med bedande auge. Dei står i ein trappeoppgang, i ei blokk på Haugerud i Oslo. Året er 1975 og det er søndag. Og søndag betyr søndagsskule.
I handa har sjuåringen ein plastpose med bilete av ein gut og ei jente som held hender. Over dei står det «Ja til søndagsskolen».
– Sjå, eg kan ta posen for deg, prøver storesystera, som er fire år eldre.
Men ho når ikkje fram. Stemmene deira gjallar i betongveggane, medan veslebror står stille og ser på.
Sjuåringen, som no snart fyller femti, hugsar godt den søndagen.
– Eg likte det nok den gongen, det å vere sterk og synleg kristen. Og storesystera mi følgde oss, det skal ho ha, sjølv om ho var sint og oppgitt. Men ho tykte nok eg var ein prektig liten jævel, seier Widnes.

Stå i det

49-åringen sit heime på Nordstrand, i rekkehuset ho og familien har budd i dei siste 18 åra. Det krøllete håret dansar når ho ler. Vi kan høyre nokon gå i etasjen over, vatn som susar i røra. Rundt oss er det ryddig.
– Eg må tenne ljosa, det er så kristelig, seier ho, smiler, og fortel om tida i Kirkens bymisjon, der ho arbeidde i fire år.
Sidan bar det til Norsk kristelig studentforbund, før ho gjekk til jobben som ho har no – generalsekretær for IOGT, ein livssynsopen, rusførebyggjande organisasjon.
– Det er fint det også, å vere litt på sida av Kristen-Noreg.
Å vekse opp som kristen på Haugerud, var ikkje alltid enkelt. Ho og syskena kunne få mykje tyn frå naboborna.
– For min del var det forsterkande, det at eg måtte forsvare at eg gjekk med den søndagsskuleposen. Eg kjempa litt for trua mi og sto i det.

ANNONSE

Logg inn for å lese videre

eller

Ikke kunde?

Registrer deg her og les Vårt Land i 10 uker for kr 10*.

10 uker - 10 kroner

*Abonnementet er løpende og kan sies opp når som helst. Etter prøveperioden fornyes det automatisk, til rabattert pris kr 199 per måned.

Les også