Les alt for bare 10 kr!

Den miskunnsame generalen

Kaj-Martin Georgsen fekk hjelp av Ibsen og Frelsesarmeen til å finne sin eigen plass. Han trur framleis på den kristne nåden.

Publisert 11. september 2020

Templet var staden der Kaj-Martin Georgsen vaks opp. Ikkje heilt ulikt profeten Samuel i Bibelen, kunne ein kanskje tenke. Georgsens tempel var Frelsesarmeens hovudkvarter i Oslo. Foreldra hans var frelsesoffiserar og hadde «suppe, såpe og frelse» som sitt daglege virke. Der brukte også sonen all si ledige tid.

Faren var major, no er han sjølv blitt general. Førre veke begynte Georgsen som ny generalsekretær i CARE Norge, ein bistandsorganisasjon som jobbar for kvinners rettar. Suppe, såpe og mikrofinans er blant verkemidla når dei kjempar for fattige kvinner i fleire land i verda – både naudhjelp og langsiktig utviklingsarbeid. For å nå berekraftsmåla som er nedsett av FN, er det særleg viktig å hjelpe kvinnene fram.

– Kvinner spelar sentrale roller i heimane, i omsorgsarbeid og det uformelle arbeidslivet som finst i mange land. Det er ikkje slik det heiter i «Ja, vi elsker» at fedrane har kjempa og mødrene har grett – kvinner står ofte i førstelinja. Dei er i front når det kjem til det som er mest nødvendig og mest utsett, og er såleis også sårbare, seier Georgsen.

Han peikar til dømes på at kvinner ofte blir ramma hardare der det er dårlege sanitære forhold, at dei mange stader ikkje får utdanning, og at dei blir ramma av vald, både i heimane og i krig.

Tener på likestilling

I tillegg er det slik at økonomien i mange land tek skade av at kvinner står utanfor arbeidsmarknaden. Dersom kvinner får utdanning og arbeid, ser det raskt annleis ut. Difor tenker ikkje Georgsen at han går frå børsen til katedralen når han sluttar som direktør for samfunnsansvar og næringspolitikk i DNB for å begynne i CARE.

ANNONSE

Logg inn for å lese videre

eller

Ikke abonnent?

Nå kan du lese Vårt Land digitalt i 10 uker for 10 kr*

10 uker - 10 kr

*Abonnementet er løpende og kan sies opp når som helst. Etter prøveperioden fornyes det automatisk til rabattert pris kr 199 per måned.

Les også