Les alt for bare 10 kr!

Finn sjelero i knitring, spraking og støy

Lasse Marhaug og Petter Flaten Eilertsen lagar musikk av straum og gammalt skrot som manglar rytme og melodi. Det får dei ro i sjela av.

Publisert 22. januar 2020

– Musikken min høyrest ut som når høgtalarane er øydelagde. Det er slik eg vil ha det, seier multikunstnar Lasse Marhaug.

Om lag ein gong i året går eg på støykonsert. Som oftast må eg gå åleine. Men det gjer ingenting. For blant støyentusiastar i Oslos mørkare krikar og krokar er det lett å kjenne seg velkomen, og når ulydane strøymer ut av høgtalarane skjer noko eg ikkje forstår: Skuldrene går ned. Pulsen går ned. Men trivselen, den går opp.

Ein gjennomsnittleg støykonsert ser omtrent slik ut:  Ein person står bak ein pult med eit virvar av leidningar som går inn og ut av dingsar som vedkommande skrur, ristar og slår på. Og omtrent slik høyrest ein gjennomsnittleg støykonsert ut: YUHNGO B=Q......VÅ#P="......kfæAMVrw79h5o8y4jrhæads!

Uønskt lyd

Vi er i Marhaugs studio på Grünerløkka i Oslo. Marhaug leitar i kassar etter boksar og leidningar som han koplar i saman.

– Eg brukar skrot til å spele på straum. Det er skjøre greier som blir øydelagt heile vegen, seier Marhaug som held ein boks med knottar i fem forskjellege fargar som han kjøpte av ein sikh i India.

Ifølgje klima- og miljødepartementet er støy «uønskt lyd og rekna som forureining etter forureiningslova». Trass departementets negativitet til støy, er Marhaug nøgd med å vere ein støymusikar.

– Det ligg litt motstand i omgrepet støy. Eg likar at det er eit lada ord, det er noko som ikkje skal vere der, uønskt lyd, noko er feil på eit vis. Det tykkjer eg har ein verdi, og eit politisk aspekt. God kunst bør jo stille spørsmål ved normer og reglar.

– Men kva er eigentleg støymusikk?

– Det er musikk kor dei tradisjonelle bestanddelane som melodi, tonalitet og rytmikk ikkje er så sentrale. Så støymusikk er meir lydmusikk, kor samansetting av lyd laga på utradisjonelle instrument blir brukt på eit anna vis. I tillegg er alt lov i denne sjangeren.

ANNONSE

Logg inn for å lese videre

eller

Ikke abonnent?

Nå kan du lese Vårt Land digitalt i 10 uker for 10 kr*

10 uker - 10 kr

*Abonnementet er løpende og kan sies opp når som helst. Etter prøveperioden fornyes det automatisk til rabattert pris kr 199 per måned.

Les også